阿甲盃B组，贝格拉诺主场斗小保加，贝格拉诺系小组两支不败球队之一，7战2胜5和排第5，全靠稳健後防，球队已经4场保持不失，不过佢哋近年对小保加输多赢少，相信今场交手会加强防守，至少保住半场唔输，加上该队近4仗全开半场和，值得再追。（myTV SUPER周三早上7时直播）

阿甲次循环分成两组踢阿甲盃，踢咗7至8轮，暂时只有两队未输过，一队系8战2胜6和嘅葛度尔古斯，另一队就系贝格拉诺。贝格拉诺喺首循环排第13位，表现一般，但喺次循环就有理想开局，现时7战得11分排第5，系B组失分最少球队，同B组前4名只有1至2分差距，只要保持走势，大有机会争入前4跻身8强，今仗主场出击势必全力抢分。

早前签入卡云尼嘅小保加，刚打入南美自由盃决赛，下月初要同富明尼斯争冠军，相信重点会放喺自由盃度，而且佢哋喺阿甲盃B组7战只得2胜1和4负排11位，出线机会不大搏嚟都冇用，虽然双方近6次对赛小保加录得5胜1和食住对手，但只要贝格拉诺做好防守，开半场和机会仍然甚高。另外亦都可以入定一注1.5球嘅入球细，再睇情况用派彩快提早收钱博双赢。