世盃G组最後一轮，两支欧洲球队塞尔维亚同瑞士交锋，两队最多只有1队可以出线，加上上届世盃对碰积落牙齿印，令今场大战再添火药味。塞尔维亚拥有强大火力，阵中有唔少擅射之人，瑞士亦要争胜确保出线，相信战情会颇开放，入球大[2.5球]值博。

(Now 619及617周六凌晨3时直播)

4年前俄罗斯世盃，瑞士同塞尔维亚都喺同一组，最後出线嘅瑞士当时2比1赢波，入波嘅格列沙加同梳顿沙基利，庆祝嗰阵都做出代表阿尔巴尼亚嘅「双头鹰」手势，被视就科索沃问题对塞尔维亚挑衅，引发一场政治风波。呢2位拥有阿尔巴尼亚血统嘅国脚，今届仍然系瑞士领军人物，仇人见面自然分外肉紧。

瑞士首战击败喀麦隆，上轮对巴西力战下仅败，表现并唔失礼，今场佢哋只要赢波就肯定晋级，唔使理另一边赛果，踢法肯定会比上仗对巴西更加进取，射手比列安保路同迪积比尔苏维窜扰力强，又有格列沙加同梳顿沙基利喺中场校炮，瑞士有足够本钱踢进攻足球。

另边厢，塞尔维亚上场3比3激和喀麦隆，两轮过後只有1分，要出线嘅话今场非胜不可，球队拥有阿历山大米祖域、杜辛华荷域等一级射手，完全具备强攻嘅条件，佢哋近6场比赛有4场总入球达3球或以上，今场尽地一煲抢攻争胜，开大盘机会高。