虽然英格兰喺世界盃8强出局，但都有收获，中场新星祖迪比寜咸今届表现出色，踢法攻守兼备，赢出对抗、抢断、赢得控球权、成功过人次数，呢4项数据都排队内第1位，奠定「三狮兵团」新核心地位。

祖迪比寜咸今届5场波都以正选上阵，其中对法国一役，佢以19岁零164日成为英格兰史上踢世界盃8强最年轻正选球员，旧纪录系朗尼创下，呢位曼联名宿踢2006年世界盃8强正选系20岁零250日，换言之祖迪比寜咸将纪录缩短超过1岁，非常跨张。

呢位效力多蒙特嘅天才喺今届世界盃总共有33次赢出对抗、16次抢断、31次赢得控球权、6次成功扭过对手，4项数据都排英格兰第1位，佢仲入1球及1次助攻，演出光芒四射。

皇马、利物浦都争住想买祖迪比寜咸，经过今届世界盃後，佢嘅身价肯定大幅上升。