今届世界盃决赛将於周日(18日)晚上演，到底系法国衞冕成功，亦或阿根廷夺冠，成为全球热烈争论话题，冇份参赛嘅瑞典神锋伊巴谦莫域都加入估波行列，佢睇好美斯可以带领阿根廷捧盃。

虽然伊巴谦莫域同法国射手基奥特系AC米兰队友，但佢接受传媒访问时，认为冠军将属於阿根廷：「边队会赢得冠军？其实答案呼之欲出，你哋应该知道我讲紧边队，就系美斯嘅阿根廷，因为剧本已经写好。」

伊巴谦莫域同美斯曾经喺巴塞隆拿做过队友，两人都已经踏入球员生涯尾声，相信伊巴谦莫域都希望对方有一个完满结局。