C朗沙特机场现身 加盟艾纳斯好事近
2022-12-23 来源: 八一体育 点击
喺今届世盃再陷生涯低点嘅C朗拿度,据报即将加盟沙特阿拉伯豪门艾纳斯。法国媒体报道,C朗周四(22日)已飞抵沙特阿拉伯,并疑似喺利雅得机场现身,据报佢将会签一份2年半合约,消息指艾纳斯正全力催谷呢单转会,希望喺数日之内落实。
法国媒体《Foot Mercato》报道,有人影到C朗已经飞抵利雅得机场,不过相片时间性仍未证实。报道指呢位葡萄牙球星现身沙特阿拉伯倾合约,就系佢考虑加盟艾纳斯嘅最大讯号。消息指C朗原本抗拒去沙特阿拉伯踢波,但明白喺欧洲已经搵唔到佢想要嘅目标(加盟欧联球队),加上沙特阿拉伯球迷嘅热情同艾纳斯嘅诚意,令佢觉得喺沙特阿拉伯会受到欢迎,所以改变主意。
沙特阿拉伯媒体报道,艾纳斯正全力推动转会,认为依家系提出斟介以来「最接近成事」嘅时刻,佢哋希望数日内火速达成协议。《Foot Mercato》早前指艾纳斯向C朗开出嘅年薪高达2亿欧元,合约会去到2025年6月。
相关阅读
- 12-23球王有价!阿根廷央行拟印美斯1000蚊纸
- 12-23两大神锋较技 曼城利物浦演入球骚
- 12-23错失3次黄金机会 纽尼斯点同夏兰特斗呀?
- 12-23同场过关速报!正路半全胆都有分头!
- 12-23世盃脚回归 阿仙奴闭门热身闷和卢顿
- 12-23唔做政治筹码 阿根廷拒绝总统会面邀请
- 12-23阿尔拉米怒轰达米安马天尼斯:佢最乞人憎!
- 12-23夏兰特入靓波 曼城击败利物浦
更多>>精选阅读