英超公布1月最佳奖项，曼联前锋拉舒福特当选最佳球员，阿仙奴主帅阿迪达获得最佳领队，亦系呢位40岁西班牙少帅今季第3次获得月份最佳领队殊荣，认真威水。

拉舒福特喺1月踢4场英超射入3球，包括对2大劲敌曼城及阿仙奴，都取得入球，获得1月英超最佳球员，绝对实至名归。

呢位英格兰国脚同时当选曼联1月最佳球员，佢话：「上个月对我来讲，真系无与伦比，我第一次同时赢得呢两个奖，希望唔系最後一次，感谢队友、教练、球迷及家人嘅帮助。」

至於阿迪达率领阿仙奴喺1月踢3场英超取得2胜1和，包括击败热刺、曼联及打和纽卡素，继续排榜首。阿迪达亦系继上年8月、11月/12月(合并)，今季第3次拎奖，仲叻过「师傅」哥迪奥拿。