利物浦今季冇咗沙迪奥文尼，後果有几严重大家有眼睇，消息指佢哋近日正物色文尼继任人，睇中效力萨尔斯堡嘅瑞士世盃前锋诺亚奥卡科。

现年22岁嘅奥卡科喺卡塔尔世盃3次後备上阵，预计将会喺未来几年接班，佢踢法同文尼类似，扭波速度射术兼备，仲有1米85身高，头槌亦冇问题。

过去3季佢为萨尔斯堡上阵102场，录得36球14助攻数据，效率甚佳，不过利物浦想签佢将面临激烈竞争，据报至少7队对佢有兴趣，佢喺《转会市场》估价系2500万欧元，红军有买趁手。