两年前曾爆冲突 戴治:我唔会同情高普
2023-02-13 来源: 八一体育 点击
周二(14日)凌晨将上演英超「默西赛德郡」利物浦主场对爱华顿,由於「拖肥糖」新帅戴治曾於2年前同红军领队高普发生冲突,令今场大战增添火药味。戴治对於利物浦今季成绩差,表示唔会同情高普,但感同身受,认为系所有教练都会遇上嘅问题。
2021年1月英超,当时仲系般尼领队嘅戴治带队作客利物浦,半场休战时,佢行入球员通道期间同高普发生激烈口角。戴治嚟紧又要造访晏菲路球场,佢讲番呢件事:「其实只系两位领队各为其主交手,并冇其他意思,球迷希望双方主帅为所属球队采取应有行动,我认为比赛结束後,事情就完结。」
该仗般尼爆冷赢1比0,戴治为免激刺今场球迷情绪,并冇透露当时两人争拗原因,只系讲笑话高普指佢件外套唔好睇,所以自己作出反驳。
当提到利物浦今季成绩欠佳,令高普备受压力嘅时候,戴治话:「我唔会同情高普,只有感同身受,佢亦唔需要我同情,我嘅注意力都放喺爱华顿身上。」戴治上仗首次带领爱华顿出击,立即以1比0击败榜首阿仙奴,结束4连败,呢位51岁名帅的确有料到。
上一篇:十叔绿木首次对话:能否复出我话唔到 | 下一篇:拉舒福特有商业头脑 开保安公司 |
相关阅读
- 02-13(世界盃球队介绍)直指金盃的斗牛士 西班牙国家
- 02-13Ben Chilwell— 伤癒回归!蓝军切尔西的进攻能量
- 02-13笑话!VAR「唔记得」画线 阿仙奴惨情失分
- 02-13哥迪奥拿大反击 表明留效曼城
- 02-135大联赛中场入球王 修夫基应重用麦迪臣
- 02-1381岁法国足总主席性丑闻细节曝光 要求同女职员3P
- 02-13比堤:兵工厂要靠沙卡仔创造机会
- 02-13希斯基:凤凰展翅势抢阿瑟破闷局
更多>>精选阅读