迪庄再请曼联食柠檬:我唔会离开巴塞!
2023-03-16 来源: 八一体育 点击
曼联想签入法兰基迪庄人所共知,近日有消息传出,红魔将於今夏再度向巴塞出价,希望佢重投坦哈格麾下,不过球员唔系咁谂,英国传媒报道,该位荷兰中场再度表明唔会离开巴塞,希望长期留效。
曼联今季重建球队,中场人选相继签入基斯甸艾历臣同卡斯米路,但其实坦哈格最想要嘅系法兰基迪庄,去年夏天一度接近完成交易,但最终因为球员唔想离队而作罢。今季即将完结,曼联再度萌生签入该25岁中场念头,但球员无意离开。
英国《镜报》报道,虽然巴塞去年一度有意出售迪庄,以缓解球会财政压力,但迪庄凭表现赢得球会信任,今季上阵33场,巴塞现居西甲榜首,夺冠在望,报道指巴塞内部庆幸当日未有出售迪庄,否则球队可能冇咁好成绩。
迪庄近日重申唔会离队,希望长期效力巴塞:「效力巴塞系我梦想,我希望帮巴塞捧盃,我喺呢度好安静,好舒服,喺沙维领军下,我会继续进步。」
上一篇:夏萨特同安察洛堤冷战 自爆冇面踢国 | 下一篇:贝迪斯再失主将 曼联有运行 |
相关阅读
- 03-16西甲第二十五轮—马德里竞技VS.赫罗那—努力的延
- 03-16西甲取消加维一队注册 夏天免费转会?
- 03-16迪庄再请曼联食柠檬:我唔会离开巴塞!
- 03-16贝迪斯再失主将 曼联有运行
- 03-16宾施马复出火力全开 皇马利物浦大演入球骚
- 03-16达洛治成抢手货 同皇马有君子协定?
- 03-16夏萨特同安察洛堤冷战 自爆冇面踢国家队
- 03-15巴塞又煲鱼生粥 9次赢1比0创纪录
更多>>精选阅读