今晚欧国外I组上演榜首大战，瑞士主场火并罗马尼亚。瑞士3战全胜，理论上可以睇高一线，但次席罗马尼亚同样3战不败，防守尤其出色。睇番瑞士主Ｗ得1.25倍风险颇大，加上近5次对赛，4次总入球开2球或以下，中位数2.5球嘅入球细更抵玩。■（周二凌晨2时45分开赛）

瑞士上年世盃打入16强，今次点兵有阿仙奴中场格列沙加、曼城後衞文路尔艾简治及拜仁门将恩尼森马等人压阵，可惜锋线就唔算可靠，上年世盃有两球进帐嘅比列安保路今次因伤落选，上仗对鱼腩安道尔都只系小胜2比1，遇上防守稳健嘅罗马尼亚，想入波有难度。

罗马尼亚积弱多年，但今届欧国外成绩唔错，3战2胜1和只失1球。佢哋以本土联赛及意乙球员为主，「限米煮限饭」下，领队伊奥丹尼斯古专注防守，同时令入球数字偏低，3场欧国外仅入4粒，上仗作客就闷和科索沃0比0，遇上实力高一皮嘅瑞士，一於叠埋心水摆「铁桶阵」死守，预料入波唔会多，细盘有得谂。