周六凌晨英超独脚戏，新升班嘅卢顿主场迎战韦斯咸，今仗系卢顿历史上首次喺英超主场出师，亦系凯尼沃斯路球场重建後首场联赛，球员战意旺盛。不过今场对手韦斯咸开季状态极佳，入球能力强横，博2.5球大盘属明智之选。

卢顿今季首次征战英超，实力明显低一班，今季踢咗两场联赛都惨败，分别1比4不敌白礼顿，以及0比3输畀车路士，防线可以话弱不禁风，不过今仗首度喺重建主场出击踢英超，肯定希望有好表现，佢哋周中英联盃3比2赢基宁咸，希望可以打番起信心，预计今仗唔会死守。

韦斯咸今个夏天卖走队长迪格兰赖斯，不过收番1亿镑转会费运用得宜，其中由修咸顿收购嘅中场禾特普斯极速融入，喺佢带动下球队快速反击非常锐利，米查利安东尼奥、查洛保云等攻击球员状态大勇，连续2仗3比1击败车路士同白礼顿两大劲旅，球员士气高昂。韦斯咸近5场联赛，有4场总入球达3球或以上，2.5球嘅入球大值追。