英超中游抢分大战，近况愈战愈勇嘅般尼茅夫，主场迎战富咸。般尼茅夫近6场5胜1和，每场起码射入2球，攻力强横，射手苏兰基弗到漏油，有望添食，富咸作客表现不济，近5场联赛作客只得1和4负，今场凶多吉少，般茅只让平半，上盘极抵玩。

般尼茅夫呢5场胜仗都有遇到硬嘢，包括主场2比0击败纽卡素，以及前仗作客3比0大胜曼联，含金量高。圣诞快车首站，佢哋作客诺定咸森林，落後一球之下反胜，尤其苏兰基喺补时射入绝杀波，大演帽子戏法，更令球队士气大振。

苏兰基今季大熟大勇，呢名车路士青训产品曾经协助英格兰勇夺2017年世青盃冠军，仲成为当届最佳球员，虽然曾经加盟利物浦，但搵唔到适合位置，嚟到般尼茅夫就愈战愈勇，今季射入11球，排英超射手榜第4位，有力争取加入下年欧国盃「三狮兵团」大军名单。

富咸虽然只同般尼茅夫相差1分，但佢哋今季联赛集中喺主场抢分，作客表现非常不济，全季9战只赢过1场，而且作客失球数字只比榜尾嘅锡菲联少，近5场联赛作客只得1和4负，今场遇着大勇嘅般尼茅夫凶多吉少，推介般茅上盘。