今晚英超独脚戏，近况大勇嘅韦斯咸主场迎战白礼顿。「锤仔帮」近期连赢曼联同阿仙奴两大豪门，气势强劲，加上佢哋主场出击霸气十足，要赢阵容残缺嘅白礼顿唔难，新年第一炮响得起，主Ｗ放心捧场。（Now 621周三凌晨3时30分直播）

韦斯咸喺莫耶斯带领下愈战愈勇，今季虽然卖走主力迪格兰赖斯，不过签入古达斯、禾特普斯及艾臣奥马艾华利斯等新球员，位位都好使好用，配合卢卡斯柏基达及查洛保云等旧将，整体战力有增无减。

事实上「锤仔帮」近期状态巅峰，近3场联赛全胜兼保持不失，包括上场作客净胜阿仙奴两球，令人惊喜。更重要系佢哋主场出击特别醒神，近7场主场拎到6胜1和佳绩，踢咗半季仲有机会冲击前4嘅欧联席位，今晚呢3分志在必得。

白礼顿今季成绩跌Watt，近期更饱受伤兵潮困扰，最近连进攻灵魂三笘薰都加入「十字军」行列，中坚李维士邓克亦因累积5面黄牌要停赛，攻守重心人物同时缺阵，打击唔细。加上佢哋作客表现差劲，近3场联赛作客只得1分，今仗造访大勇嘅韦斯咸好难捱，捧主胜系最佳选择。