今晚意大利盃16强，ＡＣ米兰主场斗卡利亚里。Ａ米近4仗获3胜1和，势必乘胜追击，但佢哋防线欠稳，恐难保清白之身。考虑到Ａ米近7场比赛有6场总入球开3球或以上，博中位数2.5球嘅入球大。（周三凌晨4时开赛）

Ａ米喺欧联已经出局，意甲亦落後榜首国际米兰9分，惟有向意大利盃同欧霸盃埋手，当中意盃难度较低，相信会全力争冠。Ａ米攻力唔曳，卢卡祖域及基斯甸普列锡等人轮流发威入波，有力攻破客军大门。问题系佢哋防线靠唔住，早前对鱼腩沙兰力坦拿都要失两粒，加上中坚汤姆利养伤，可能焗用左闸迪奥靴南迪斯扼守中路，好大机会失波。

卡利亚里近7场仅得1胜，但佢哋遇强唔会刻意死守，今季联赛作客祖云达斯及拿玻里，都搵到入球，同样仅负1比2，主场亦曾以1比3不敌Ａ米，今晚会继续踢开放足球，入球大值捧。