西班牙盃4强首回合，马略卡先喺主场迎战皇家苏斯达。马略卡喺8强爆冷淘汰基罗纳，不过佢哋联赛要专注护级，而且近况麻麻，对住防守力强大嘅皇苏难有甜头，客队今仗多数先求稳守，留番次回合主场再博，捧2.5球入球细好路。（周三凌晨4时开赛）

马略卡上仗西甲吞毕尔包4蛋，连续两场输波兼冇波入，依家距离降班区只有3分，未必会将全部精力放喺西盃上面。虽然佢哋主场表现唔错，不过每次对皇苏都冇运行，近5次交锋1和4负，5仗加埋只系入过1球，总入球全开2球或以下。

皇苏喺欧联杀入16强，西甲亦名列前茅，最大原因系防守硬净，佢哋近5场比赛只失1球，包括近两仗都踢成0比0，喺首回合作客好大机会贯彻防守风格，至少保住不败身，等次回合返主场争胜，今仗要2.5球入球细机会高。