今晚英超独脚戏，「拖肥糖」爱华顿主场硬撼「喜鹊」纽卡素。爱华顿由林柏特接手後未见起色，联赛4连败令护级形势水深火热，相反「喜鹊」增兵後愈战愈勇，今仗受让咁笋，让球客胜咪走宝。

（Now 621周五凌晨3时45分直播）

虽然爱华顿前任领队宾尼迪斯教到一镬粥，但2月接手嘅林柏特亦唔好得几多，单计联赛，「林伯」领军6仗只得1胜5负，近4仗联赛输晒之余，仲1球都入唔到，佢买入嘅新兵云迪碧克同迪利阿里都冇乜建树，箭头卡维特利云又未好番。「拖肥糖」踢咗26轮只得22分，亦系佢哋144年队史最差同期成绩。爱华顷依家排紧尾4，同尾3嘅屈福特同分，虽然打少3仗，但以佢哋嘅颓势，今仗要抢分唔易。

纽卡素自从冬窗签入捷比亚、丹般恩、般奴古马雷斯、基斯活特後，开始反弹疯狂抢分，一度成为2022年其中一支不败之师，直至上仗完场前失守输畀车路士0比1，先被破金身。「喜鹊」近9仗取得6胜2和仅1负，包括2月头以3比1击败由「林伯」率领嘅爱华顿，明显主帅艾迪侯域用兵方面，比起林柏特更胜一筹，就算依家已手握31分，但遇上态沉嘅「拖肥糖」，必定趁机踩多两脚，让球客胜有计。