车路士将於周六(14日)晚英足盃决赛同利物浦争冠军，双方曾於今届英联盃决赛交锋，车仔互射12码败阵，认真唔好彩，球队为咗避免重蹈覆彻，竟然谂到「换衫转运」大法，今仗将会放弃着传统主场蓝色球衣，改着作客黄色波衫。

车路士今季曾经着主场球衣，捧欧超盃及世冠盃，照计蓝衫应该旺车仔，但踢本土盃赛却系另一回事，原来车路士近4季着蓝衫出战本土盃赛决赛，有5次屈居亚军，包括今届英联盃不敌利物浦。

另外，车路士上届英足盃决赛着主场球衣比赛，结果输畀李斯特城，前届决赛不敌阿仙奴，加上2018/19年度英联盃决赛、社区盾，车仔着蓝衫都输畀曼城，真系唔到你唔信邪。

车路士今场英足盃决赛改着黄衫，大家就睇下佢哋可唔可以打破宿命。