位处英超联赛榜尾3嘅般尼，现时仍为护级而苦苦挣扎。自前领队戴治上月被炒後，球队正寻找继任人，近日有传佢哋同前曼城队长高柏尼扯上关系，不过能否成事仍视乎佢哋今季嘅最终命运。

般尼依家以34位处降班区域，仍落後高一位嘅列斯联1分，不过打少场，令到佢哋周五（20日）作客阿士东维拉场比赛变得相当关键。与此同时，自上月炒前领队戴治後，般尼亦为寻找下位掌舵手而努力。日前据悉，前曼城队长高柏尼被视为目标之一，但首先需要视乎今季能唔能够护级先有价讲。

现年36岁嘅高柏尼自2019年离开「蓝月亮」後，返番母会安德列治踢波，收山後顺理成章成为该队领队，但同时禾夫斯堡亦密切留意住呢位前比利时国脚，般尼要争赢佢可能要多少少努力。不过据闻佢哋都有两手准备，分别执教波杜基林特同布里斯托流浪嘅历臣同祖尔巴顿都被列为目标之一，甚至早前未能带领打比郡护级嘅朗尼，亦都有机会成为般尼领队。