由於C朗去向未明，曼联一直有意签入1位前锋，近日传出红魔鬼睇中萨尔斯堡19岁天少射手施斯高，结果遭到呢支奥地利球队羞辱式回应，要求曼联用3亿欧元加送上般奴费南迪斯，作为交易条件。

施斯高2019年加盟萨尔斯堡，由於球队近年多位主力离队，佢上季终於获得重用，上季37场入11球。

呢位斯洛文尼亚国脚身高1米94，冲击力强，被指踢法似同样喺萨尔斯堡打出名堂嘅艾宁夏兰特，所以已经吸引纽卡素、拜仁慕尼黑、多蒙特等球会注意，曼联亦加入争夺。

不过，萨尔斯堡喺官方社交网上话，如果曼联想收购施斯高，请拎出3亿欧元再加般奴费南迪斯，摆明拒绝出售施斯高畀红魔鬼。