加利仔:曼联要换球员、管理层同班主
2022-08-09 来源: 八一体育 点击
曼联首仗输波,名宿围插,当然唔可以少咗名嘴加利尼维利。「加利佬」认为首仗主场输波对曼联打击好大,为今之计唯有换球员、换管理层团队,甚至班主格拉沙家族系时候卖盘先有得救。
「加利佬」指出:「白礼顿并非强队,今场败仗并唔理想,季前热身赛球队畀人好大期望,依家踢成咁真系好大打击。现时嘅情况,多数曼联球员都好熟悉,管理层亦明白发生咩事,坦哈格手上系支咩球队,佢哋需要增兵,坦哈格亦需时适应,不过相信坦哈格都睇到曼联球员嘅真实水平。」
佢又话曼联咩料,球迷心中有数:「之前闭门比赛,球员都好自在,因为冇人闹佢哋,但依家咁多球迷睇住,咁嘅表现系无法令人接受,我相信过去一年球迷都观察过呢支曼联,各个位置几乎冇变过,虽然大家都期望佢哋能够焕然一新,但实际唔系咁。」
「加利佬」开始插球员同管理层:「领队需时适应,我唔会指责佢,不过一间公司当员工对工作冇晒热诚,咁对大家都系一种折磨,不如由得员工离开。至於管理层,过去一年都无法解决问题,买唔到好球员,所有困难仍然存在,佢哋自己心知肚明。」
最後,「加利佬」讲到曼联班主,佢话:「格拉沙家族系时候要卖盘,依家系时候喇。」
相关阅读
- 08-0922/23赛季 曼联英超联赛 赛事回顾 布莱顿-曼联
- 08-09英超W1观战笔记—枪手新血注入活力、红军佃农9号
- 08-09【有片】巴塞大胜6比0 法兰基迪庄技惊四座
- 08-09切尔西 @ 艾佛顿──新同学开箱!【22/23英超 第
- 08-09【纳纳的故事】他的“回归”让兵工厂防守的高墙
- 08-09奥脱福球迷劲躁 坦哈格:教曼联唔容易?!
- 08-09被释出到入选英格兰国家队 Harry Kane哈里 凯恩
- 08-09英超22/23赛季展望--利物浦
更多>>精选阅读