曼联正式宣布，以近1亿欧元转会费由阿积士来投嘅前锋安东尼马菲奥斯，将会着21号球衣，亦即系卡云尼离队後留低嘅号码，曼迷都希望呢位巴西新星可以好似卡云尼咁，为红魔鬼作出重要贡献。

安东尼马菲奥斯之前效力阿积士着11号，但曼联11号现时属於格连活特，虽然呢位小将因为殴打女友一案，仍然被球会雪藏，但安东尼并冇夺人所爱，於是选择21号。

C朗上年夏天加盟曼联，卡云尼「被逼」让出7号畀呢位葡萄牙巨星，改着21号，曾经引起争议，依家由安东尼马菲奥斯继承衣鉢，令呢个特别号码有机会再喺奥脱福出现。

另外，由纽卡素来投嘅後备门将杜巴夫卡着31号。