欧联E组赛事，车路士作客萨格勒布戴拿模。车路士近期走势波动，喺英超一场赢一场输，表现飘忽，主要原因相信同後防人脚大变有关，不过前线加入史达宁仍保持水准，佢哋近6仗欧联5次开3球或以上，相信今场多波入，入球大有计。（Now 643周三凌晨零时45分直播）

车路士今季换咗新班主保利，阵容亦大执位，其中影响最大相信系条後防线，鲁迪格、马高斯阿朗素离队，新签入嘅高列巴尼同古古列拿虽然都有一定水准，但似乎未建立默契，加上门将艾度亚文迪偶然失准，联赛6场失9球，导致季初战绩不稳。

虽然车仔前锋线同样有迪姆华拿同卢卡古离队，但佢哋喺球队入球率唔高，影响不大，今季新签嘅史达宁就有唔错表现，目前已累积3球联赛入球，今仗嚟到欧联赛场，预计佢会继续数胡。

萨格勒布戴拿模由第二圈外围赛起步，实力肯定比唔上，佢哋近3次欧联主场开3球或以上，至於车路士喺欧联亦多波入，等睇入球骚啦。