德甲班霸拜仁慕尼黑周三(28日)宣布，球队由鸟栖砂岩签入日本U20国脚福井太智，呢位18岁中场已签约至2025年6月，佢会喺明年1月冬季转会窗正式加盟，预料会先为拜仁嘅青年军上阵。

拜仁青训总监沙斯表示：「福井太智今个暑假已经跟我哋练咗几个星期，大家都对佢印象深刻，佢非常有天份，系个技术出众嘅攻击中场，有速度兼有脚法，我哋相信佢嘅天赋可以得到进一步发展。」

福井太智细细个已经加入福冈嘅巴塞隆拿足球学校，12岁加入鸟栖砂岩，上季已经为球队喺日职上阵，成为鸟栖砂岩史上最年轻上阵球员。