阿仙奴今季英超成绩突出，连带财政收入亦猪笼入水！「兵工厂」日前同波衫赞助商adidas续约至29/30球季，全新嘅8年赞助合约细节曝光，据报赞助费由原本每年6,000万镑，暴升至7,500万镑，8年合约总值6亿镑，同曼联睇齐成为英超最贵波衫赞助球队。

根据原本嘅波衫赞助费排名，曼联以每年7,500万镑排第1，曼城同车路士分别系6,500万镑同6,000万镑，阿仙奴今次续约能够同曼联睇齐，除咗因为今季成绩突出之外，阿仙奴女子队嘅受欢迎程度急升亦系原因之一。

除咗基本嘅赞助费之外，adidas仲会开出各项冠军奖金，赢英超、欧霸盃、足总盃等都有唔同奖金数目，据报总奖金数目可以去到400万镑。