欧霸盃A组尾轮赛事，阿仙奴主场迎战苏黎世。阿仙奴虽然嚟紧周末有对车路士嘅後顾，但杀鸡焉用牛刀，面对包尾大幡苏黎世，半力出击都够赢兼锁定首名，佢哋近期喺欧霸盃少交收，3.5球嘅入球细更值博。（Now 643周五凌晨4时直播）

阿仙奴原本上轮欧霸盃对燕豪芬，只需打和即锁定首名，点知大意失荆州，作客净吞两蛋，将悬念留到今轮。由於小组第2要打多一圈淘汰赛先可以跻身16强，阿仙奴必定力争首名，佢哋依家领先次席燕豪芬2分，仍掌握主动权，今仗赢波就肯定获首名，战意鲜明。

不过要留意，阿仙奴有中场硬汉格列沙加坐波监，而下仗联赛要作客同市死敌车路士，更加恶啃，既然今仗对住5轮欧霸盃输4仗嘅苏黎世，主帅阿迪达可继续玩轮换，好似上仗联赛大胜森林省两粒嘅雷斯尼尔逊可担正，够杀有余。

苏黎世仲有嘢争唔会hea踢

另一边厢，瑞士球队苏黎世只落後「3哥」波杜基林特1分，仲有机会争上第3位博踢附加赛打欧协联，仍有一定战意，唔会任人鱼肉。况且阿仙奴於今届欧霸盃5轮获4胜1负，其中3仗小胜1粒，而呢5轮全开3球或以下，预计赢波都系点到即止，3.5球嘅入球细稳开。

直播表

周四11:30pm 欧协联 RFS Vs 费伦天拿

周五1:45am 欧霸盃 飞燕诺 Vs 拉素

周五1:45am 欧霸盃 摩纳哥 Vs 贝尔格莱德红星

周五1:45am 欧霸盃 皇家苏斯达 Vs 曼联

周五4:00am 欧霸盃 阿仙奴 Vs 苏黎世

周五4:00am 欧霸盃 波杜基林特 Vs 燕豪芬

周五4:00am 欧霸盃 罗马 Vs 卢多格德斯

周五4:00am 欧协联 布加勒斯特星队 Vs 韦斯咸