坦哈格近日接受曼联官网访问，透露现时球队训练情况，正在为球队建立一套防守体系，场上11名球员都要参与防守，包括C朗，佢嘅职责由进攻同入波，变成要喺前场开始进行防守。

坦哈格表示：「喺我哋防守体系中，场上11个球员都要参与防守，C朗要喺前场开始防守，成为一个有组织高效嘅防守体系，咁样我哋就好难被击败。」

「十叔」继续话：「队中每个球员都要坚持呢种踢法，遵守同执行球队嘅战术，当我哋带住对胜利嘅渴望同对比赛嘅激情去比赛，我哋就好难被击败。」

坦哈格仲有另一项奇招，就系上场欧霸盃对皇家苏斯达派哈利马古尼後备落场踢中锋，喺前边同C朗合作双箭头争顶头槌，依家又训练C朗打防守，真系估佢唔到喎。