C朗日前喺专访数臭曼联之後，引起队友不满，根据媒体indykaila News爆料，呢位葡萄牙巨星被踢出红魔鬼手机社交软件群组，据悉群组管理员系哈利马古尼、麦汤米尼，相信好大机会系队长马古尼出手移除C朗。

C朗专访出街之後，引起哗然，唔少队友认为佢嘅言论太过份，甚至连已经离队嘅连格都睇唔过眼，话就算同球会有矛盾，都应该私下处理，冇理由公开大事宣扬。

由於C朗同曼联嘅关系已经破裂，甚至盛传领队坦哈格要求会方禁止C朗世界盃後归队，其他曼联球员自然冇顾忌，将C朗踢出群组，C朗离队已成定局。