世盃A组次轮上演「双尔」对碰，卡塔尔主场迎战塞内加尔。卡塔尔贵为今届东道主，首轮表现大出洋相，攻力之疲弱惨不忍睹；塞内加尔失去王牌沙迪奥文尼，前线冇晒章法，为抢分势必稳阵行先，2.5球嘅细盘有计。

（Now 618及616周五晚9时直播）

两支新败球队今仗正面交锋，以筹备多年嘅主办国卡塔尔最令人失望，揭幕战对住实力一般嘅厄瓜多尔，尽管有VAR争议性判厄军初段入波为越位在先，可惜仍然净吞两蛋。卡塔尔唔单止成为世盃史上首支喺首轮输波嘅东道主，亦系继1994年美国之後，首支喺比赛「零中龙」嘅世盃主办国，尤其系厄瓜多尔领先两粒下已放慢嚟踢，但卡塔尔连组织进攻都非常吃力。睇番佢哋近5仗入得6粒，其中4次开2球或以下，对手只系巴拿马、危地马拉之流，攻力极度疲弱。

塞内加尔於首轮对荷兰表现唔太差，可惜喺队长沙迪奥文尼因伤无缘世盃後，总系欠缺临门一脚，无论系南柏斯文迪、伊斯美拿沙亚、保拿尔迪亚都脚头无灵，末段因防线接连犯错而输0比2，中场悍将高耶迪更被法兰基迪庄施展「如来神掌」受伤离场，今仗上阵成疑。

由於大家都冇分落袋，为争出线今仗不容再失，不过两军都攻力欠奉，惟有先做好防守，查实塞内加尔近5仗仅入4粒，全开2球或以下，今仗捧细为妙。