巴西球星尼马喺上场对塞尔维亚受伤，事後证实右足踝韧带出事，唔知几时先可以复出。不过尼马坚持唔会放弃，周六(26日)再喺IG公开伤情，见佢右足踝位置仍然肿起，而佢就着住巨型气压靴帮助治疗。

对於尼马缺阵，巴西名将卡富就话问题唔大：「巴西有好多好出色嘅前锋，当一个唔踢得，另一个就会顶上，呢个系巴西强大嘅原因，佢哋有能力喺冇尼马之下拎到好成绩。尼马系可以随时改变战局嘅球员，但巴西有太多伟大球员，一样可以继续踢好波。」