今晚世盃F组次轮赛事，「欧洲红魔」比利时火并非洲代表摩洛哥。比利时首战小胜加拿大，虽然赢波但表现备受批评，一众球星知耻近乎勇，今场会踢得更进取，加上首席前锋卢卡古有望复出，火力更有保证，2.5球入球大属明智之选。（Now 618及616周日晚9时直播）

比利时首轮面对加拿大，受制於对手嘅速度同体力型踢法，一班後防老将疲於奔命，赢波全靠把握力高於对手。表现受到外界批评，奇云迪布尼赛後都话自己唔值得拎赛事MVP，可见球员自己都知道有咩问题，以佢哋咁丰富嘅经验，今场可望修正错误踢出争气波。

比利时领队马天尼斯对加拿大後透露，王牌前锋卢卡古有望复出，呢位比利时史上首席射手赛前已经恢复操练，就算唔能够正选披甲，都可以後备姿态上阵，对球队火力及调动甚有帮助。翻查数据，比利时近5次对非洲球队，有4次总入球开3球或以上，值得再追。

摩洛哥火力唔弱

摩洛哥上仗闷和克罗地亚0比0，暂时得1分喺手，为拎出线主动权今仗唔可以再失分，以薛耶治、安尼斯利同保法尔组成嘅三叉戟有一定威胁力，阿舒拉夫侧击能力亦强，唔赦同比利时斗攻。佢哋近两次对比利时，总入球全开3球或以上，今仗等睇入球骚。