E组关键战，哥斯达黎加硬撼德国。德国一定要赢先保出线希望；哥斯达黎加为晋级同样要搏，佢哋近年喺世盃面对欧洲球队例演入球骚，3.5球入球大值得捧场。（Now 619及617周五凌晨3时直播)

4届冠军德国现时仅有1分喺手，不过亦只落後哥斯达黎加同日本2分，若然日本今轮输波，德国赢波就可以出线，假如日本打和，德国就要赢2球或以上先肯定晋级；另一情况系日本赢到西班牙，如果「狂牛」只系仅输，得失球仲有好大优势，依家得失球为-1嘅德国要大胜先有生机。德国上轮逼和西班牙，表现已见改善，预计入波功臣富克洛同伤愈嘅利莱辛尼会齐齐担正，配合新星穆斯亚拿，攻力够保证，为免连续两届分组赛出局咁肉酸，必全力抢攻。

哥斯达黎加现时同日本同分，今仗若果打和，就要望日本输波，踢法唔能够太保守。佢哋阵容老化及缺乏对抗性，面对欧洲球队难免输蚀，近两次世盃对欧洲代表共失9球，全开4球或以上，包括今届首轮吞西班牙7蛋，既然客Ｗ冇肉食，3.5球大盘相对抵玩。