F组次名摩洛哥最後一轮斗加拿大。摩洛哥击败比利时一役显示强大野心及进攻力，薛耶治及保法尔双翼齐飞创造不少机会，加拿大虽然已经出局，但佢哋系下届世盃主办国之一，球员都会踢出拚劲，今场有机会系互攻入球骚，2.5球入球大玩得过。（Now 619及617周四晚11时直播）

摩洛哥愈踢愈有，依家手执4分，出线形势大好，理论上和波攞1分就可以继1986年後，再一次取得出线资格。不过值得留意嘅系，F组次名出线会斗E组首名，好大机会系西班牙，倒不如今场攞晒3分，博个首名出线，有机会斗日本或哥斯达黎加，话唔定可以更进一步，杀入8强。

加拿大虽然肯定出局，但球队踢法机动及体力化，而且渴望争取入波，睇番佢哋对上2场分组赛，其实都制造唔少攻势，首战斗比利时更博到12码，如非艾方素戴维斯射失，加拿大嘅世盃故事可能会改写。不过佢哋努力始终有回报，上场80秒已射入克罗地亚大门，可见「枫叶国」其实几攻得，相信今场亦唔会龟缩，加拿大近4场3次开3球或以上，今场随时又系一场入球骚，推介2.5球入球大。