今晚英冠直播戏码，「黑猫」新特兰主场迎战西布朗。新特兰上周要出战补赛，状态比西布朗稍胜一筹，曼联借将阿密特迪亚路弗到漏油，无惧西布朗来犯，主场出击仲有得受让咁笋，让球主胜不容错过。(有线661及601台周二凌晨4时直播)

新特兰今季重返英冠後，总算站稳阵脚，踢咗21轮取得8胜6和7负，现时位处中游，佢哋喺上周要出战联赛补赛，虽然上半场踢到不知所谓，幸好半场返入更衣室畀教头莫比利闹醒，易边後凭阿密特迪亚路、比卓特及施文斯各省一粒，喺主场以3比0大胜米禾尔，近4仗联赛赢3仗，喺世盃休战期忽然有场正式赛事，有助球队上力，其中从曼联借来嘅阿密特迪亚路，近6仗联赛轰4粒，脚风奇顺。

相反，现於下游徘徊嘅西布朗表现飘忽，喺世盃前6轮联赛录3胜3负，如果单计客场，开咧後9轮赢得2场，而且喺世盃休战期间，佢哋去到西班牙集训，并且同艾尔切「拍跳」输0比1，状态未明，相信应该唔及上周赢波嘅「黑猫」。虽然今仗出奇地西布朗要让波，个盘似乎有啲鬼鬼哋，不过「黑猫」胜在够正气，主场出击值得支持，让球主胜有计。