阿根廷球王美斯将於周日(18日)晚迎来球员生涯第2次世界盃决赛，佢可唔可以一尝冠军滋味，仍然系未知之数，但应该可以打破两大纪录。

首先，阿根廷上仗4强对克罗地亚系美斯第25次世界盃上阵，追平德国名宿马图斯嘅纪录，换言之，只要佢喺今场决赛披甲，就可以成为世界盃史上累积上阵次数最多嘅球员。

另外，美斯参加5届世界盃以来，已经累积上阵2194分钟，赛事史上仅少过意大利名宿马甸尼23分钟，呢位35岁射手要一举刷新两大纪录，并冇难度，如果可以赢埋冠军，就更加完美。