阿根廷门将达米安马天尼斯获得代表今届世界盃最佳门将嘅「金手套奖」之後，将奖座摆喺「重要部位」前做出不雅动作庆祝，令人哗然。事後呢位30岁钢门表示，当时被法国球迷嘘，一时火遮眼，所以作出还击。

达米安马天尼斯做出不雅动作庆祝一幕，喺网上疯传，唔少人批评佢太粗鲁、嚣张。呢位效力阿士东维拉嘅门将出来澄清，话因为自己受到挑衅在先：「法国人嘘我，佢哋嘅傲慢伤害唔到我。」

达米安马天尼斯喺加时封出法国前锋高路梅安尼必入球，互射12码阶段，再扑出京士利高文射门，法国球迷梗系唔妥佢啦。