曼城喺英超复赛首仗3比1击败列斯联，射手艾宁夏兰特继续疯狂入波，不过领队哥迪奥拿嘅「射术」就唔多掂，几乎搞出大头佛！曼城喺尾段被列斯联罚球攻势破蛋後，喺场边用右脚怒踢水樽发泄，点知竟然「挞Q」，个水樽省中列斯联後备席上其中一人，哥迪奥拿知衰即时双手抱头，第1时间冲去向对方道歉，似乎惊球证会赶佢出场，而哥迪奥拿表现得相当惊青。

唔少网民都笑哥迪奥拿炮制曼城今场最「惊险」一幕，有网民留言：「哥迪奥拿畀摩连奴上身？」、「以前摩连奴试过咁样被罚停赛3场」、「哥迪奥拿想将个樽踢去边？」好在今场球证网开一面，哥迪奥拿嘅真诚道歉可能够番佢自己一命。