爱华顿门将比克福特只剩下18个合约，英国《镜报》指呢位英格兰国家队正选钢门，推迟同球会倾续约问题，疑似有离心，据悉热刺、车路士都有意邀请比克福特加盟。

现年28岁嘅比克福特近年稳占英格兰国家队正选，并有出色表现，但佢效力嘅球会爱华顿成绩差，近2季都要为护级而战，令比克福特心灰意冷，佢似乎担心「拖肥糖」一旦降班，自己需要踢英冠，所以迟迟唔肯续约。

英超伦敦双雄都对比克福特虎视眈眈，热刺方面，考虑到门将洛里斯已经36岁，需要搵接班人，头号目标系比克福特。

至於车路士近年一直欠缺可靠门将，无论由阿列沙巴拿加或者艾度亚文迪把关，都难令人放心，所以亦睇中比克福特，至於最终鹿死谁手，大家拭目以待。