「球王」比利周四(29日)逝世，巴西总统博尔索纳罗宣布全国哀悼3日，由周四至周六(31日)完结，里约热内卢嘅地标耶稣像亦被射上黄色同蓝色嘅巴西国旗颜色灯光，向呢位足球传奇作出致敬，大批球迷亦去到马拉简拿球场、贝尔米罗球场献花悼念。

据西班牙《阿斯报》报道，比利嘅遗体会喺距离贝尔米罗球场(山度士主场)850米嘅一栋公墓下葬，呢个普世纪念公墓(Ecumenical Necropolis Memorial)系比利喺2003年亲自选择购入，而且会安葬喺9楼，用意系纪念比利爸爸球员时代嘅球衣号码(9码)。