阿根廷庆祝捧世盃活动搞得七七八八，但原来仲有一单，就系阿根廷正选左闸达利亚费高小登科，同太太举行婚礼，比较特别嘅系两夫妻齐齐高举同亲吻大力神盃。

30岁嘅达利亚费高系阿根廷较具资历成员，佢喺2018及2022两届世盃国脚，今季离开阿积士转投里昂，年尾捧埋世盃，佢同太太办呢个有世界盃奖座嘅婚礼，可说完满。

世盃夺冠当日，达利亚费高带埋太太落草地庆祝，佢喺个人IG留言：「你总是跟随我，在我所有坏和好的时光里，你都在，在梦幻的夜晚，我才明白拥有多麽宝贵，因为无论如何，你都会在那里，我爱你。」