上仗逼和曼联嘅水晶宫，今晚联赛主场迎战另一前列球队纽卡素。「新土豪」 纽卡素主力米基尔阿米朗近期脚风唔顺，连带球队入波数字都减少，近5场联赛4次总入球开2球或以下，一於博中位数2.5球入球细。

（Now 621周日凌晨1时30分直播）

水晶宫近4仗不胜，不过近两场对手都系劲旅，分别作客0比1不敌车路士，以及主场打和曼联1比1，表现唔失礼，特别上仗对「红魔鬼」，佢哋制造唔少具威胁攻门，只系欠埋门一脚，到补时先靠米高奥利斯射入罚球扳平，今仗遇上防守稳阵嘅纽卡素，想入波并唔易。

纽卡素经过连续两场英超闷和0比0後，上仗踢到89分钟先至入波，以1比0险胜富咸。「喜鹊」翼锋米基尔阿米朗近况麻麻，呢位巴拉圭国脚曾於上年10至11月7场比赛入7球，但近9次为纽卡素上阵仅有1球进帐，其中近5场食白果，今晚作客水晶宫入波唔慌多，博细盘更划算。