多蒙特近年成为欧洲最大星工厂，继艾宁夏兰特、祖迪比宁咸等新星之後，近日佢哋准备入新货，向安德列治斟介16岁前锋迪朗维尔，转会费高达1150万欧元，几年後有机会身价破亿，呢笔投资做得过。

迪朗维尔去年征战比甲，表现已经异常出色，获提拔上比利时U19，被视为国家队希望，同佢同龄嘅巴西天才恩迪克，早前已获皇家马德里睇中，迪朗维尔实力与恩迪克同级，前途无可限量。

多蒙特球探眼光神准无宝不落，佢哋睇中嘅天才球星，日後都大红大紫，今次多蒙特出重手，850万欧元另加300万欧元浮动奖金，从安德列治手上签入呢位神童，等佢打出名堂，日後又可以大赚一笔。