周四(26日)凌晨西盃8强大战，巴塞隆拿凭奥士文尼迪比利一箭定江山，主场1比0击败皇家苏斯达，为43岁生日嘅教练沙维送上最佳礼物。

巴塞隆拿今场控球率高达74%，法国右翼奥士文尼迪比利更系攻势泉源，佢今场11次尝试扭波。全场唯一入球出现喺52分钟，奥士文尼迪比利右路高部突破，窄角度下狂抽，门将拍到都照样入网，最终巴塞赢1比0晋级。

43岁生日嘅教练沙维，赛後对奥士文尼迪比利有高度评价：「佢成熟咗好多，我睇到佢有非常丰厚嘅潜质，所有闸位球员见到佢都冇晒符，奥士文尼迪比利系可以用一己之力扭转比赛嘅球员，我戥佢开心。」

另一场西盃8强赛事，奥沙辛拿主场2比1击败西维尔，自2005年後再入西盃4强。