美斯寻晩喺法甲射入1球，原来别具意义，就系佢喺5大联赛入球数字达到697球，超越C朗嘅696球，由於C朗已经去咗沙特阿拉伯落班，仲遇上入球荒，要反先美斯入球纪录机会不大。

美斯同C朗嘅入球数字一直有传媒mon到实，美斯入波超越C朗，传媒立即大肆报道，据统计，美斯至今喺5大联赛上阵835场，当中巴塞672球、PSG25球，平均98分钟入1球。

C朗嘅数据系5大联赛918场入696场，包括曼联145球、皇马450球、祖云达斯101球，平均109分钟入1球。

不过喺美斯面前仲有两项C朗纪录仲未超越，一项系欧联入球，C朗累积140球，而美斯系129球，相差11球，另一项系国家队入球，C朗系118球，美斯98球，相差20球。