季初整伤膝盖，缺席卡塔尔世盃嘅法国中场保罗普巴，虽然已康复一段时间，但由於抖得太耐出现肌肉酸痛，暂时仍未能为祖云达斯作回归後回度亮相，主帅阿里基坦言仲要等几个礼拜。

阿里基表示，普巴短期内无法上阵，原因系太耐冇操练：「佢近日出现大腿肌肉酸痛，无法落场比赛，当你长时间未进行高强度训练，就系有呢种酸痛，当球员因伤缺席几个月，我哋需要更有耐性，普巴有啲酸痛，需要时间恢复，或者几个礼拜後先达到最佳状态。」

普巴今季自由身离开曼联，免费重投祖云达斯，球队初时对佢寄予厚望，点知一去美国集训就整伤膝头，拖咗一轮终於都要做手术，错过卡塔尔世盃，喺祖记更系一场都未踢过。