周四(2日)凌晨德盃16强赛事，大热门拜仁慕尼黑作客4比0大炒缅恩斯，新鲜由曼城加盟嘅祖奥简斯路即刻担正，出任右翼衞嘅佢交出助攻，表现获教练拿高斯文大赞。

歇冬後3场不胜嘅拜仁今仗强阵出击，祖奥简斯路处子战迅速入局，17分钟右路突破後传中畀祖普莫亭顶入，揭开大胜序幕，穆斯亚拿同利莱辛尼之後接连建功，半场拜仁领先3比0。换边後拜仁放软手脚，艾方素戴维斯83分钟锦上添花，轻松赢4比0晋级。

拜仁教练拿高斯文对新兵祖奥简斯路非常满意：「佢踢得好好，好有创造力，完成好多美妙传球同传中，佢之後跟世界最佳教练(哥迪奥拿)踢波，我要做嘅事就系叫佢尽量表现自己。」