热刺争入英超前4受到严重打击，法国门将洛里斯喺上场赢曼城一仗勇战受伤，据报膝部韧带受创，虽然目前决定唔会做手术，但仍要休息6至8个星期，嚟紧要靠费沙科士打把关。

热刺上场奋战下1比0赢曼城，但洛里斯喺比赛期间整伤膝部韧带，预计要抖6个至8个星期，期间将会错过10场大战，包括欧联16强对AC米兰嘅两回合赛事。36岁嘅洛里斯早前宣布退出法国队，希望专注球会赛事，估唔到又遇上伤患困扰。

喺洛里斯养伤期间，34岁嘅後备门将费沙科士打将担大旗，呢位前英格兰国脚季前加盟後，只系踢过4场比赛，当中3场盃赛都保持不失，不过唯一一场联赛上阵对宾福特，热刺就踢成2比2平手。