今晚世冠盃王者战喺摩洛哥爆发，大热门皇家马德里将同亚洲冠军希拉尔争冠。论牌面皇马当然赢晒，不过呢支4届冠军经验丰富，决赛场合唔会同士气高昂嘅希拉尔硬碰，半场和值得一博。

（Now 671周日凌晨3时直播）

皇马喺4强大炒艾阿里4比1，战果合理，但过程并唔轻松，要到完半场前一刻先凭云尼斯奥斯祖利亚打开纪录，呢球亦系皇马近5场唯一一个出现喺上半场嘅入波。

皇马球员见惯大场面，深明留放之道，尤其希拉尔啱啱历史性杀入决赛，球员士气同斗志爆晒灯，皇马冇必要喺呢个情况下同对手斗抢，拖慢嚟踢发挥实力优势，先系正路做法。

希拉尔4强爆冷淘汰南美冠军法林明高，反击速度同锐利度都唔讲得笑，前锋韦图及艾达沙尼脚风甚顺，皇马上半场自必步步为营。翻查纪录，近6届世冠盃决赛，有5场开半和，证明冠军战都系稳阵为先，值得再追。