英超两大豪门曼联、利物浦都有卖盘计划，另一支Big 6热刺亦唔执输，据报球会班主路易斯近日收到富商开价，但佢竟然狮子开大口叫价45亿镑，同曼联传闻中嘅卖盘价睇齐。

英国《每日邮报》报道，热刺班主路易斯一直对卖盘持开放态度，美国富商纳加菲有意出31亿镑提出收购，不过呢个计划已第一时间被打沉，热刺认为呢个价远低於球会预期，形容31亿镑系「冇可能成事」。

报道指路易斯叫价达45亿镑，比起上年保利用42.5亿镑收购车路士价钱更高，要知道曼联依家进行嘅卖盘计划，市场预期成交价都系45亿镑左右，已经15年未赢过冠军嘅热刺竟然想同曼联睇齐，相信交易难度会大大提升。