曼城作客诺定咸森林，「蓝月亮」刚压过阿仙奴暂做英超一哥，但佢哋要同时兼顾欧联同英足盃，继上场作客酋长球场同今场作客森林，嚟紧仲有ＲＢ莱比锡、般尼茅夫同布里斯托城3场客战，而呢5场仲要喺15日内踢晒，留放显得重要。而诺定咸森林近况唔错，主场发挥稳定，相信有力顶住曼城不致大败，森林近8场联赛全开3球或以下，今场拣3.5球入球细好路。（Now 621周六晚11时直播）

「蓝月亮」今季作客成绩一般，计埋盃赛，近4场只得1胜3负，当中有两场仲要冇入波，为咗留力应付几条战线，预计嚟紧几场都唔会太进取。另边厢，正为护级抢分嘅诺定咸森林，已经由包尾上到第14位，近况唔错，入到波之余，防守能力都好好，近4场联赛主场获3胜1和，其中3场胜仗更保持不失，计晒主客成绩，近8场联赛更全开3球或以下，加上曼城有欧联後顾，今场就算赢都未必会大炒，不如转捧3.5球入球细。