欧联16强次回合，拿玻里主场迎战法兰克福。法兰克福首回合输两粒，今仗作客亦要压前焗攻，随时益晒擅抢开局嘅拿玻里，主客和斋主冇乜肉食，不如进取啲捧半全场「主主」。（Now 644周四凌晨4时直播）

上届欧霸盟主法兰克福，今届7仗欧联赢得3仗，明显未够班，虽然首回合有主场之利，但以0比2落败，为收复失地，就算作客都要硬着头皮抢攻。

法兰克福焗攻死得仲快

不过要留意，法福防守欠稳，各项赛事近7仗只有1仗冇失波，压前焗攻盏死快啲，祸不单行嘅系射手高路梅安尼喺首回合直接领红牌被逐，今仗唔使预佢，冇咗呢位法国国脚助阵，攻力大打折扣，法福想绝地反击亦有心无力。

另边厢，拿玻里气势如虹，各项赛事近9仗豪取8胜1负，其中7仗保持清白之身，而呢9仗有8次都系先开纪录，佢哋今届欧联3次喺主场出击赢晒之余，全部喺上半场已经取得领先优势，踢法非常抢缰，随时又由头带到落尾，首回合凭箭头域陀奥森汉同迪罗伦素各省1粒，先赢2比0。

加上主帅史巴列堤崇尚进攻，今届7仗欧联已狂轰23粒，就算有两球在手，今仗亦唔会龟缩，半全场「主主」有2倍咪错过。

直播表

周四1:00am 欧协联 巴沙克舒希Vs真特

周四3:30am 英超 白礼顿Vs水晶宫

周四3:30am 英超 修咸顿Vs宾福特

周四4:00am 欧联 皇家马德里Vs利物浦

周四4:00am 欧联 拿玻里Vs法兰克福

周四4:00am 英冠 新特兰Vs锡菲联